Entrugues y rempuestes

¿Cuándo se faen y se reserven les sesiones d’embarazu?

Ye recomendable facer la sesión d’embarazu entre les selmanes 28 y 32 de xestación. Ye un momentu perguapu pa facer les semeyes: tenéis una barriguina preciosa y tovía nun tais tan cansaes como na recta final. Amás, asina aseguramos que la criaturina nun s’adelanta.

Asina que pa reservar, pues contactar conmigo na selmana 22 pa garrar el día que meyor te venga.

Les sesiones de recién nacida fainse nos primeros 15 díes dempués del partu. Como esos díes tamos inmerses nun caos adorable, ye recomendable acutar día nel tercer trimestre d’embarazu y asina asegurar disponibilidá pa la sesión.

Non :)
Nes sesiones voi tar cola cámara ensin tar, dirixiendo mediante acciones pa crear un ambiente relaxáu y simpáticu, capturando tolos abrazos y emociones pa que dientro d’unos años, tola familia, pueda revivir les alcordances d’esta etapa.

Puedes poner lo que más te preste y colo que te sientas identificada, a la fin, la ropa y l’estilu de vistir ye mui personal. Pero nun te preocupes, en cuantes faigas la reserva, va llegate una pequeña guía con conseyos pa escoyer la ropa.

¡Nun pasa nada! La nube cargada d’agua ye un factor que siempre tengo presente. Unos díes antes voi tar pendiente de la previsión meteorolóxica y si vemos que va a llover, falamos y cambiamos la sesión pa un día enantes o pa dempués.

Les sesiones incluyen el desplazamientu dentro d’una distancia máxima de 50km, que más o menos son unos 45 minutos dende L’Infiestu – Piloña.

Si suañáis con un requexu un poco más lloñe, va añadise un coste adicional de los kilómetros que superen esa distancia (ida y vuelta).

Estes sesiones tan diseñaes pa ún unicu núcleu familiar: pa la madre coles sos criatures, xunto cola pareya. Si quies que participe dalguna persona más, tien un coste adicional de 20€/persona y añadiríamos unos minutos más a la sesión pa que toes queden retrataes de manera natural.

Propóngote una sesión de fotos “En veyures”. Esti reportaxe ta dedicáu a les nueses güeles, son 2 hores na so casa xunto a les nietes, pa retratar tolos detalles que la fain única.

Díes Adulces ye un proyectu que respeta la intimidá y la privacidá de toles persones que quieran participar n’él. Por ello ye, que tol material algamao tará suxeto a una estricta confidencialidá y nun s’espublizará nenguna semeya nin datu personal ensin el vuestru consentimientu.

¡Son como los d’enantes! Coles semeyes imprentaes y pegaes n’él, con papel cristal pente les fueyes pa protexer les imáxenes. L’álbum ye artesanal, fechu a mano n’Asturies y a midida pa esti proyectu. Tien unes midies de 20x20cm y les semeyes en papel tienen un tamañu de 13×18 cm.