adulces
Sesión de maternidá y llactancia
Con esti reportaxe vamos retratar la esencia y la naturalidá de la maternidá, na que la muyer ye la protagonista. Ye un mirar especial hacia les nueses vivencies tan úniques y propies. Un retratu d’esos momentos de llactancia, d’esos díes tan llargos que se difuminen col tiempu y d’esa complicidá tan especial que tenemos pa coles nuestres criatures.
Lo más importante a la hora de facer les semeyes ye tar a gustu. Ser naturales, espontánees y pasalo perbién. Asina saldrán unos retratos ensin poses y siendo una mesma. La risa, les miraes, les caricies y los abrazos son complementos perfectos pa guardar pal recuerdu.
Podemos facer les semeyes nel requexu d’Asturies que más te preste. Dende Colombres hasta As Figueiras. Préstame enforma conocer la nuesa tierrina y tengo una montonera de llugares nos que me presta infinito sacar semeyes. Vamos conocenos pa retratate nel to hábitat natural, nesi sitiu onde recargues les piles y onde siempre vuelves pa ser y tar: la to casa, el to pueblu, la to playa favorita o una mayada con vistes al monte asturianu.
Semeyes en casa
Naide tien la casa perfecta, nin ordenada a la perfeición, pero si vivimos nella, sedrá la meyor casa pa nosotres nesi momentu. Colos sos requexos enllenos de vida, d’oxetos que nos identifiquen y con un caos onde siempre atopamos tolo que buscamos. Ye emocionante tener un recuerdu gráficu de cómo yera la casa de la nuesa infancia, esa casa que cambia tanto como la nuesa vida, como nosotres.
Préstame enforma dexar un espaciu pa les semeyes más íntimes, onde la piel garra un papel esencial y da pasu al contactu, a besase y querese. Un momentu onde xugaremos cola lluz y les solombres, con teles y flores pa destacar esa unión que tenemos coles neñes.
En familia
Les nueses pareyes tamién formen parte de nosotres y pueden participar nesta sesión de maternidá y asina retratar esa complicidá qu’esiste ente compañeros y compañeres de vida.
Nunca vamos dexar atrás a los animalinos que conviven cola familia en casa, na corte o nos praos de la contorna. También ellos faen parte de la nuesa manera de vivir, polo que pueden participar nesta sesión.
Nestes sesiones en familia nun hai poses forzaes, hai munchu movimientu, sorrises, felicidá y xuegos. Vamos crear un ambiente dinámicu onde captar toa esa naturalidá.
Con esti reportaxe vamos retratar la esencia y la naturalidá de la maternidá, na que la muyer ye la protagonista. Ye un mirar especial hacia les nueses vivencies tan úniques y propies. Un retratu d’esos momentos de llactancia, d’esos díes tan llargos que se difuminen col tiempu y d’esa complicidá tan especial que tenemos pa coles nuestres criatures.
Lo más importante a la hora de facer les semeyes ye tar a gustu. Ser naturales, espontánees y pasalo perbién. Asina saldrán unos retratos ensin poses y siendo una mesma. La risa, les miraes, les caricies y los abrazos son complementos perfectos pa guardar pal recuerdu.
Podemos facer les semeyes nel requexu d’Asturies que más te preste. Dende Colombres hasta As Figueiras. Préstame enforma conocer la nuesa tierrina y tengo una montonera de llugares nos que me presta infinito sacar semeyes. Vamos conocenos pa retratate nel to hábitat natural, nesi sitiu onde recargues les piles y onde siempre vuelves pa ser y tar: la to casa, el to pueblu, la to playa favorita o una mayada con vistes al monte asturianu.
Semeyes en casa
Naide tien la casa perfecta, nin ordenada a la perfeición, pero si vivimos nella, sedrá la meyor casa pa nosotres nesi momentu. Colos sos requexos enllenos de vida, d’oxetos que nos identifiquen y con un caos onde siempre atopamos toloque buscamos. Ye emocionante tener un recuerdu gráficu de cómo yera la casa de la nuesa infancia, esa casa que cambia tanto como la nuesa vida, como nosotres.
Préstame enforma dexar un espaciu pa les semeyes más íntimes, onde la piel garra un papel esencial y da pasu al contactu, a besase y querese. Un momentu onde xugaremos cola lluz y les solombres, con teles y flores pa destacar esa unión que tenemos coles neñes.
En familia
Les nueses pareyes tamién formen parte de nosotres y pueden participar nesta sesión de maternidá y asina retratar esa complicidá qu’esiste ente compañeros y compañeres de vida.
Nunca vamos dexar atrás a los animalinos que conviven cola familia en casa, na corte o nos praos de la contorna. También ellos faen parte de la nuesa manera de vivir, polo que pueden participar nesta sesión.
Nestes sesiones en familia nun hai poses forzaes, hai munchu movimientu, sorrises, felicidá y xuegos. Vamos crear un ambiente dinámicu onde captar toa esa naturalidá.