Les güeles son eses persones de lluz que se merecen tol tiempu del mundu. Tiempu pa tar coles sos nietes y la so familia que medra adulces col pasu los años. Un tiempu dedicáu a ella, cola so fiya y la so nieta. Ensin móviles, ensin priesa, ensin tar pendiente de facer de comer. Namás que cola gana de contar histories, tar tranquiles y riise.

Estes sesiones son esclusives pa facer en casa de les güeles, nel entornu d’elles y coles sos vivencies y recuerdos que faen de la casa un requexu únicu nel mundu. El xardín, la güertina o l’antoxana, son llugares onde to güela pasa parte del día, ¡vamos retratalos!

Nunca vamos dexar atrás a los animalinos que conviven cola familia en casa, na corte o nos praos de la contorna. También ellos faen parte de la nuesa manera de vivir, polo que pueden participar nesta sesión.

Esti formatu ta pensáu pa toles nietes y nietos que quieran retratase coles sos güeles y güelos. Dende los 0 años hasta los 120 :) Un día adulces pa pasalu en familia, un tiempu pa vosotres.