L’universu vuelve a crecer dientro del mio cuerpu 😊

Tenía muncha gana de cuntavos qu’un nuevu corazón llate al ritmu del son que nos regala la vida.

🌼 Que la primavera llegó con una flor que fai esnalar a les caparines d’esta familia.

✨ Y que tamos felices viendo como esta niñina medra adulces, sintiendo les caricies de la so hermanina mayor.

Pues eso, amigues,

que l’universu vuelve a parase pa tresmitir lo meyor de nosotros nuna nueva personina 😊

Nesta nueva entrada del blogue quiero contavos como van ser los prósimos meses pa que podamos organizanos bien y crear maxa xuntes:

• Vais teneme tolos xueves d’agostu nel mercáu nocherniegu del agostiellu. Nel Infiestu, de 20 a 00h :)

• El día 14/08 van cambiar los precios y los packs de les sesiones. Voi a ofrecer nuevos productos que vos diré enseñando per equí estes selmanes y dexarán de tar disponibles les tarxetes regalo asina como dalgún tipu de sesión.

• Seguiré col mesmu ritmu de sesiones.
• El día 25/09 ye l’ultimu día disponible pa facer les sesiones de les tarxetes regalu válides que se mercaron dende mayu de 2026. Toles demás tarán caducaes y cancelaes según la so propia fecha de validez.

• Vacaciones del 1 al 15 d’ochobre. Pa poder disfrutar un últimu viaxe enantes de ser cuatro ☺️

• Últimes sesiones del 16 al 30.

• Yá nun fairé sesiones nin otros proyectos. Trabayaré dalguna cosina que me pueda quedar pendiente d’entregar.

N’avientu vamos tar esperando a la nuestra pequeña.

Nun sé decivos una fecha de 2027 na que volveré a tar disponible. Imaxino que sedrá a lo llargo de la primavera 😌 Quiero volver a vivir estos primeros meses con calma, disfrutando de cada detalle que nos regale la vida. Cuando lo sienta, iré abriendo axenda de nuevu pa dir realcontrándonos con cada una de vosotres ^.^

Ya tengo dalguna fecha acutada pal añu que vien y nun creo que garre munches más. Si te cases entre xunetu-avientu 2027 y quies que seya la to fotógrafa, escríbeme y vamos conociéndonos ☺️

Estos meses toca seguir creciendo adulces 💖