Yá podéis reservar la vuesa sesión nos meses de xunu, xunetu y agostu.

🐚 Recomiéndovos reservar con tiempu. En branu l’axenda ta más solicitada, tengo bodes y otros trabayos, amás, yo tamién garro vacaciones pa disfrutar d’unos díes tranquilinos en familia percorriendo’l mundu 😌 Equí vos dexo les feches:

☀️ Vacaciones adulces
· del 29 de xunu al 15 de xunetu
· del 1 al 15 d’ochobre

Amás, pa esti branu, tengo nuevu horariu y nueva organización d’axenda:

· Les sesiones de fotos van facese de martes a xueves. Vamos axustar la hora de les fotos en función del tipu de sesión y de la llocalización.

· L’horariu de oficina, de responder mensaxes y d’atención al públicu, ye de 09:00 a 13:00h de llunes a vienres.

🤰🏼 Embarazu: sobre la selmana 24, facemos les fotos entre la 28 y 32.
🤱🏼 Recién nacida: nel tercer trimestre d’embarazu. Facemos les fotos nos primeros 14 díes dempués del partu, ye importante que yo sepa la to FPP pa tener disponibilidá.
👩‍👧‍👦 Otres sesiones de maternidá: reserva con un mínimu de 15 díes. Pa poder planificar bien la sesión y asegurar disponibilidá.

🏔️ Si vienes a Asturies de viaxe y quies aprovechar unes hores pa una sesión… 😊😊 ¡vas faceme la muyer más feliz del mundu! Al ser nunes feches concretes, reserva cuanto enantes.

⛱️ En branu, les sesiones na playa faennse a les 10:00h. A partir de mediaos de xunu les playes son un formigueru 🤭, tenlo en cuenta pa organizanos según los horarios de la to criatura.

🏡 Tán viniendo selmanes de muncho calor, la mio recomendación ye facer les sesiones nel entornu de casa. Onde podamos tener un requexu con solombra y temos cerquina de la tranquilidá y el frescor. El prau de to casa, baxo un árbol o na güerta, son llugares perfectos.

🌳 Otra opción, ye dir a un parque o viesca enllenu d’arboles y ríu ^.^

🐣 Les sesiones de recién nacíu son esclusives de facer peles mañanes, nel calorín de casa, ensin prieses y con tola tranquilidá del mundu.

Esti añu, les tarxetes regalu que s’encarguen van tener la siguiente fecha límite pa facer la sesión: el 25 de setiembre de 2026. 

A partir d’esa fecha nun se fairá nenguna sesión de les tarxetes regalu y quedarán cancelaes. Ninguna tarxetina regalu tien opción de devolución nin de reembolsu.

Tenlo en cuenta pa contactar conmigo y facer esti regalu tan valiosu 🌸✨