Foi un vienres pela mañana. El mio compañeru de vida despidíase de mi pa dir pal trabayu diciendo: lleves el xerséi al revés, al revés del too. Lo d’alantre p’atrás y lo de fuera pa dientro.

– Bueno, dicen que da suerte :) Contesté yo.

Y al poco, esa mesma mañana, recibo un mensaxe de Cos (Made by kÖs), proponiéndome un trabayu perguapu: retratar la prueba de vestuariu d’Alba Flores pa la Gala de los Premios Goya.

Foi ehí cuando pensé neses costures mirando p’afuera, na etiqueta per alantre y nesi xerséi de vienres que punxi al revés. Foi esa rempuesta la que me fizo creyer nes oportunidaes que me ta regalando esti 2024.